Dr allererscht Roman, wo uff Oberschwäbisch gschrieba ischt! A Gschicht um Heilige und eher Scheiheilige – En Wallfahrtskrimi

Prolog

A Paket isch uff seim Schreibtisch gleaga. Er hots genau in Augaschei gnomma. Als Absender isch bloß dannagschtanda: „Ein Gönner der aufstrebenden Wallfahrt“.

Nochdem er de usser Schicht Packbabier weggrissa hot isch en Karton rauskomma wo mit a ma broita Packband vrbäbbed war. Wo er dr Deckl hot lupfa wella, hot der irgendwie klemmt. Do hot er mit Gwalt dra zoga und grissa.

Mit uim Ratsch ischer offklappt und im gleicha Moment isch em a abgetrennte menschliche Hand ins Gesicht klatscht und hot em quasi post mortem a Maulschella vrpasst.

Des war z viel für dr Dekan, mit schwindendem Bewusstsein isch er zu Boda ganga …